Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə 20 noyabr 2020-ci il tarixdə Xatirə Muzeyində  Naxçıvan Qızlar Liseyi və Naxçıvan şəhər 6, 7, 8 və 9 nömrəli tam orta məktəblər üzrə 20 şagirdin iştirak etdiyi növbəti açıq dərs keçirilmişdir.

Muzeyin əməkdaşı Tamara Novruzova bildirmişdir ki, Vətən yolunda  canlarını qurban vermiş, şəhid olmuş Azərbaycanın Milli Qəhrəmanlarının həyatı,  onların  qəhrəmanlığı  bütün  xalqımız  üçün,  o cümlədən, xüsusən  gənclərimiz üçün örnək dərsdir. Onların qəhrəmanlığı  bu  gün  həyata  atılan,  orduda xidmətə gedən və hərbi xidmətə hazırlaşan gənclər  üçün  ən yaxşı  nümunədir.  Azərbaycan xalqı mübariz və igid xalqdır. Torpaq uğrunda gedən döyüşlərdə şücaətlə qəhrəmanlıq göstərmiş mərd oğullardan 215-i Milli Qəhrəman adına layiq görülmüşdür. Milli Qəhrəmanlarımızdan 8-i naxçıvanlıdır. Torpaq uğrunda Azərbaycan tarixi təkcə oğullarımız deyil, qəhrəman qadınlarımız da şücaəti ilə zəngindir. Həmin qadınlardan Əsgərova Gültəkin Məlik qızı, Əsgərova Salatın Əziz qızının adınl çəkə bilərik.Qəhrəmanlarımız şəhidlikləriylə, tarixin ən şərəfli səhifəsində yer alıblar. Onlar şəhidlik zirvəsinə ucalmaqla  torpaqlarıımızı qanlarıyla yuyub  daha da müqəddəsləşdirdilər. Azərbaycanın müstəqilliyi və torpaqlarımızın azadlığı uğrunda canlarını fəda  etmiş şəhidlər heç zaman unudulmur və yaddan çıxmır.

Sonra şagirdlərə muzeydə olan eksponatlar haqqında geniş məlumat verilmişdir.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi