Sədərək Rayon Təhsil Şöbəsi və Uşaq-Gənclər İdman Məktəbinin birgə təşkilatçılığı ilə Sədərək kənd 1 nömrəli tam orta məktəbdə Uşaq-Gənclər İdman Məktəbinin bölmələri arasında açıq havada yoldaşlıq görüşü keçirilib.

Yarışda Təhsil Şöbəsinin əməkdaşları, İdman bölmələrinin şagirdləri və dərnək rəhbərləri iştirak edib.

Tədbirdə çıxış edən Təhsil Şöbəsinin əməkdaşı Arzuman Abdullazadə yarışın keçirilməsi haqqında şagirdlərə məlumat verərək uğurlar arzulayıb.

Maraqılı keçən oyunun yekun nəticələrinə əsasən “Qartal” komandası yoldaşlıq görüşündən qalib ayrılıb.

Qaliblər sonda təşkilatçıların diplom və fəxri fərmanları ilə mükafatlandırılıblar.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi