Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə Naxçıvan Döyüş Şöhrəti Muzeyində növbəti açıq dərs keçirilmişdir.
Naxçıvan şəhər 17 nömrəli tam orta məktəbin hərbi rəhbəri Məmmədli Arzu “Qələbə sevincini yaşayan xalq” mövzusunda keçdiyi açıq dərsdə bildirmişdir ki, Vətəni sevmək və onu göz bəbəyi kimi qorumaq hər bir vətəndaşın vətəndaşlıq borcudur. Sentyabrın 27-də başlanmış vətən müharibəsi bu xalqın vətənpərvərliyini və vətənə olan sevgisini bir daha sübut etdi. Ali baş kamandanın verdiyi hücum əmri ilə gənclərimiz səfərbər olunaraq əldə silah vətənin müdafiəsinə qalxdılar.
Bəli, vətən müqəddəsdir on müdafiə etmək və yağı düşməndən qorumaq ata babalarımızdan bizə miras qalan vəsiyyətdir. Ordumuz gücü qarşısında aciz qalan düşmən öz cirkin əməllərini dinc əhaliyə qarşı yönəldməklə zülümkar və qəddar olduğunu bir daha sübut etdi. Döyüş meydanında döyüş aparmağı bacarmayaraq qorxaq və hiyləgərliyini dinc əhalini, yaşayış, qeyri yaşayış və inzibati binaları hədəf seçdi. Bununla da millətin iradəsini qırmaq vətənə sevgisini boğmaq istədi, ancaq vətənpərvər xalq öz əməlləri və qəhramanlıqları ilə düşmənin arzularını ürəyində qoydu. Düşmənin çirkin əməlləri təhsil ocaqlarından yan keçmədi. Dağılan binalardan çoxu məktəb binaları və uşaq baxçaları idi. Şəhid olmuş dinc əhali ilə birlikdə şagirdlərdə tökülən qanları ilə tarixə düşdülər və müqəddəs şəhid adını qazandılar. İstəkləri təhsi ocaqlarını dağıdmaq, şagirdləri şəhid etmək millətin təhsilini məhv etmək və gələcdə öz çirkin əməllərini gizlətmək idi. Lakin bu boş arzuları onların ürəklərində donduran qəhraman ordumuz və ordunun başında duran Ali Baş komandanımız oldu. Ali Baş Komandanımızın rəhbərliyi altında döyüşlərdə əldə etdiyi qələbələrlə öz sözünü deyən rəşadətli ordumuz tarixi yenilədi. Azərbaycanın ordusu dünya orduları içində ön sıralarda yer tutdu. Bəli bu ordu güclü və rəşadətli Ordu olaraq QƏLƏBƏNİ qazandı. 30 ilə yaxın idiki qələbə arzusunda idi bu xalq. 10 noyabr - bu tarix Azərbaycan xalqının yaddaşından silinməyən şanlı tarixdir. Qələbə şirinliyi, ucalığı və müqəddəsliyi ilə qəlbləri alovlandırdı.
Şagirdləri maraqlandıran suallar hərbi rəhbər tərəfindən cavablandırılmışdır.
Sonda şagirdlərə Naxçıvan Döyüş Şöhrəti Muzeyində nümayiş olunan eksponatlar haqqında geniş məlumat verilmişdir.
Ülviyyə HACIYEVA
Naxçıvan Muxtar Respublikası Təhsil
Nazirliyinin mətbuat və ictimaiyyətlə
əlaqələr üzrə baş məsləhətçisi
