11 dekabr 2020-ci il tarixdə Sədərək kənd 1 nömrəli və 2 nömrəli tam orta məktəblərində Naxçıvan Muxtar Respublikasının Şahmat Federasiyasının Sədərək Rayon Bölməsi və Sədərək Rayon Təhsil Şöbəsinin təşkilatçılığı ilə "Ürəklərdə yaşayan dahi" devizi altında ümumtəhsil məktəblərinin V və IX sinif şagirdləri arasında yoldaşlıq görüşü keçirilib.

Keçirilən görüşdə Təhsil Şöbəsinin əməkdaşları, ümumtəhsil məktəblərinin şahmatçı müəllimləri və 30-a yaxın şahmatçı şagird iştirak edib.Şagirdlərin maraqla iştirak etdikləri yoldaşlıq görüşünün yekun nəticələrinə əsasən Sədərək kənd 1 nömrəli tam orta məktəbi üzrəI yerə Elcan Hüseynov, II yerə Sevgi Abdullazadə, III yerə Məhəmməd Bağırov, Sədərək kənd 2 nömrəli tam orta məktəbi üzrə isəI yerə Elvin Salahsoylu, II yerə Oruc Həbibov, III yerə Uğur Həbibli layiq görülüb. Sonda qaliblər təşkilatçılar tərəfindən diplomlarla mükafatlandırılmışlar.