Naxçıvan Dövlət Tarix Muzeyində Naxçıvan şəhər 6 nömrəli tam orta məktəbin şagirdlərinin iştirakı ilə “Ömrünü vətənə həsr etmiş dahi şəxsiyyət - Heydər Əliyev” mövzusunda açıq dərs keçirilib.

Açıq dərsi aparan müəllim Azad Şirzadov Heydər Əliyevin həyatı və fəaliyyəti haqqında şagirdlərə ətraflı məlumat verib. Bildirilib ki, Azərbaycanın 30 ildən artıq bir dövrünü əhatə edən tarixi taleyi Heydər Əliyevin adı və dövlətçilik fəaliyyəti ilə qırılmaz tellərlə bağlıdır. Bu illər ərzində ölkəmizin ictimai-siyasi iqtisadi və mədəni həyatının bütün sahələrində dirçəliş, inkişaf baş vermiş, Azərbaycan zamanın ağır və sərt sınaqlarından çıxmış, yaşayaraq tərəqqiyə qovuşmuş, regionda lider dövlətə çevrilmişdir. Qüdrətli siyasi və dövlət xadimi olan Heydər Əliyev hələ sağlığında canlı əfsanəyə çevrilmiş, Azərbaycan xalqı tərəfindən ümummilli lider adlandırılmışdır.

Sonda şagirdlər muzeydəki ekponantlarla tanış olmuşlar.