Dekabrın 15-də Sədərək Rayon Təhsil Şöbəsinin təşkilatçılığı ilə Sədərək kənd 1 nömrəli tam orta məktəbdə “Məsdərin ümumiləşdirilməsi” mövzusunda açıq dərs keçirilib.

Keçirilən açıq dərsdə Təhsil şöbəsinin əməkdaşları və məktəbin fənn müəllimləri iştirak edib.

Məktəbin Azərbaycan dili və Ədəbiyyat müəllimi Ülviyyə Zeynalova şagirdlərə mövzu haqqında ətraflı məlumat verərək ekranda verilən klaster əsasında məsdərin xüsusiyyətləri ilə bağlı sual-cavab formasında dərsi aparıb. Cavablar səsləndirildikdən sonra tədqiqat sualları elan edilib və hər qrupa tapşırıq təqdim olunub. Müzakirə olunduqdan sonra doğru cavablar ekranda göstərilib və mövzu ümumiləşdirildikdən sonra məsdərin ismə və feilə aid xüsusiyyətləri venn diaqramında müəyyənləşdirilib. Sonra şagirdlərə müstəqil iş təqdim olunub.

Qeyd edək ki, Sədərək Rayon Təhsil Şöbəsi tərəfindən həftədə iki dəfə olmaqla Sədərək Rayon ümumtəhsil məktəblərində açıq dərslərin keçirlməsi davam edir.