Naxçıvan Muxtar Respublikası Ali Məclisi Sədrinin 2014-cü il 19 dekabr tarixli “Muzeylərlə əlaqələrin daha da gücləndirilməsi haqqında” Sərəncamı muxtar respublikada dövlət orqanları əməkdaşlarının muzeylərə kollektiv gedişinin təmin olunması ilə yanaşı, həm də qədim diyarımızın tarixi keçmişinin, mədəniyyətinin öyrənilməsində əhəmiyyətli rol­ oynayır.

Dekabrın 19-da Culfa Rayon Təhsil Şöbəsinin kollektivi Culfa Rayon Tarix Diyarşünaslıq Mərkəzini ziyarət edib. Məlumat verilib ki, muzey 1976-cı ildə Tarix Ölkəşünaslıq adı ilə fəaliyyətə başlayıb sonradan 1981-ci ildə Culfa Rayon Tarix-Diyarşünaslıq muzeyi kimi fəaliyyətini davam etdirib. Muzey bir foye və beş ekspozisya zalından ibarətdir. Muzeyin fondunda 2000-ə yaxın eksponat mühafizə olunur. Əsasən muzeydə Culfa rayonunda müxtəlif dövrlərdə istifadə edilmiş daş əmək alətləri, misdən hazırlanmış məişət alətləri, Culfa rayonunda müxtəlif dövrlərdə toxunulmuş xalçalar, müxtəlif tətbiqi sənəd növünə aid eksponatlar və şəhidlərimizin foto şəkillərindən ibarət eksponatlar nümayiş olunur.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi