22 dekabr 2020-ci il tarixdə Naxçıvan Muxtar Respublikası Şahmat Federasiyasının Sədərək Rayon Bölməsi, Sədərək Rayon Təhsil Şöbəsi, Uşaq-Gənclər Şahmat Məktəbi və Yevlax Şəhər Uşaq-Gənclər İdman Şahmat Məktəbinin birgə təşkilatçılığı ilə “31 dekabr-Dünya Azərbaycanlılarının Həmrəyliyi Günü” ilə əlaqədar olaraq “Həmrəylik” devizi altında yoldaşlıq görüşü keçirilib.
Sədərək və Yevlax Şahmat məktəblərinin şahmatçıları arasında saat 1100-da Lichess.org plartforması vasitəsilə keçirilən görüşdə 16 yaş qrupundan, hərə iki komandada 5 oğlan 4 qız olmaqla, ümumilikdə 18 müxtəlif dərəcəli şahmatçı şagird iştirak edib.
Maraqlı keçən yarışın yekun nəticələrinə əsasən tərəflər “Biz Həmrəyik” devizi altında bərabərliyə razılaşıblar.
Ülviyyə HACIYEVA
Naxçıvan Muxtar Respublikası Təhsil
Nazirliyinin mətbuat və ictimaiyyətlə
əlaqələr üzrə baş məsləhətçisi
