Azərbaycan Respublikası Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə Uşaq-Gənclər İnkişaf mərkəzləri arasında 25 noyabr - 22 dekabr tarixlərini əhatə edən “Qayıdış”  onlayn rəsm müsabiqəsi keçirilib.

Müsabiqənin keçirilməsində əsas məqsəd Qarabağı gənc nəslə yaxından tanıtmaq, Vətən uğrunda canından keçən şəhidlərimizin döyüş ruhunu, azad olunmuş torpaqlarımızın gözoxşayan təbiətini tərənnüm etmək və istedadlı uşaqların bacarıqlarını aşkar etməkdən ibarətdir.

Müsabiqədə muxtar respublika məktəblilərindən Heydər Əliyev Uşaq-Gənclər Yaradıcılıq Mərkəzinin 12 dərnək üzvü çəkdikləri rəsm əsərləri ilə iştirak edib.  Keçirilən müsabiqədə 14-18 yaş kataqoriyası üzrə  “Haqq öz yerini tapdı” adlı rəsm əsəri ilə iştirak edən Dekorativ tətbiqi sənət dərnəyinin üzvü, 8 nömrəli tam orta məktəbin X sinif şagirdi Hacıyev Elşən Elçin oğlu III, “Qarabağ Azərbaycandır!” adlı rəsm əsəri ilə Rəsm dərnəyinin üzvü, Heydər Əliyev adına tam orta məktəbin VIII sinif şagirdi Həsənova Gülnur Samir qızı həvəsləndirici, “Qarabağ Azərbaycandır!” adlı rəsm əsəri ilə Dekorativ tətbiqi sənət dərnəyinin üzvü, Naxçıvan şəhər 5 nömrəli tam orta məktəbin IV sinif şagirdi Aslanova Xədicə Məhərrəm qızı həvəsləndirici, “Qarabağ Azərbaycandır!” adlı rəsm əsəri ilə Dekorativ tətbiqi sənət dərnəyinin üzvü, Naxış Nərgiz kənd tam orta məktəbinin IX sinif şagirdi Əsgərov Ərkan Tariel oğlu isə həvəsləndirici yerə layiq görülüb. Qaliblər Gənclərin Respublika Bədii Yaradıcılıq Evinin diplomu ilə təltif ediliblər.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi