“İdeal ailənin formulu: ənənəvi dəyərlər və müasirlik” mövzusunda VII muxtar respublika yazı, dekorativ tətbiqi sənət və rəsm müsabiqəsi və “Ailə dəyərlərimiz film və fotolarda” mövzusunda V muxtar respublika yaradıcılıq müsabiqəsinin qalibləri müəyyən olub.

2020-ci il dekabrın 24-də Naxçıvan Muxtar Respublikasının Gənclər Fondunda Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi, Naxçıvan Muxtar Respublikasının Gənclər Fondu və Naxçıvan Muxtar Respublikası Rəssamlar Birliyi tərəfindən orta ixtisas və ali təhsil müəssisələrinin tələbələri və istedadlı gənclər arasında “İdeal ailənin formulu: ənənəvi dəyərlər və müasirlik” mövzusunda VII muxtar respublika yazı, dekorativ tətbiqi sənət və rəsm müsabiqəsi və “Ailə dəyərlərimiz film və fotolarda” mövzusunda V muxtar respublika yaradıcılıq müsabiqəsinin qalibləri mükafatlandırılıb.

Sevindirici haldır ki, VII muxtar respublika yazı, dekorativ tətbiqi sənət və rəsm müsabiqəsində Sədərək rayon Sədərək kənd 1 nömrəli tam orta məktəbin şagirdləri də iştirak etmiş və həmin müsabiqədə VII muxtar respublika rəsm müsabiqəsi üzrə Sədərək kənd 1nömrəli tam orta məktəbin VIII sinif Şagirdi Əliyeva Gülay Kəmaləddin qızı I yerə, həmin məktəbin XI sinif şagirdi Bağırova Firuzə Sahib qızı isə VII muxtar respublika yazı müsabiqəsi üzrə həvəsləndirici yerə layiq görülmüşdür.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi