Yanvarın 18-də Sədərək Rayon Təhsil Şöbəsinin təşkilatçılığı ilə Sədərək kənd 1 nömrəli tam orta məktəbdə basketbol üzrə idman klubları arasında “20 Yanvar Azərbaycan xalqının qəhrəmanlıq tarixidir” mövzusunda yoldaşlıq görüşü keçirilib.
Görüşdə Sədərək Rayon Təhsil Şöbəsinin əməkdaşları və basketbol idman klublarının rəhbərləri iştirak edib.
Sədərək Rayon İdman məktəbinin direktoru Nizami Bağırov çıxış edərək keçirilən yarışın məqsədi haqqında danışıb və komandalara uğurlar arzulayıb.
Keçirilən görüşün yekun nəticələrinə əsasən Sədərək kənd 1 nömrəli tam orta məktəbin Bbasketbol klubunun komandası qalib olub.
Qalib komanda təşkilatçılar tərəfindən diplom və fəxri fərmənlarla mükafatlandırılıblar.
