Bu gün Qıvraq qəsəbə tam orta məktəbində Kəngərli Rayon Polis Şöbəsi, Təhsil Şöbəsi və Gənclər və İdman İdarəsinin birgə təşkilatçılığı ilə yetkinlik yaşına çatmayanların milli-mənəvi dəyərlər, vətənpərvər ruhda tərbiyə edilməsi, uşaqların sosial şəbəkələrdən təhlükəsiz istifadəsi mövzusunda  profilaktiki tədbir keçirilib.

Tədbiri Kəngərli Rayon Təhsil Şöbəsinin əməkdaşı Teymur Əsgərov və Kəngərli Rayon Polis Şöbəsinin əməkdaşı Vaqif Teymurov çıxış edərək bldiriblər ki, cəbhədə baş verən hadisələr zamanı bizlər Azərbaycan gəncliyinin nə qədər vətənpərvər olduğunun şahidi olduq. Nəinki Azərbaycanın daxilində yaşayan, eləcə də ölkəmizin hüdudlarından kənarda yaşayan gənclərimiz Prezidentimizin aparmış olduğu siyasəti tam dəstəklədilər. Onlar Vətənləri, torpaqları üçün son damla qanlarını belə verməyə hazır olduqlarını bildirdilər. Həqiqətən biz belə gənclərimizlə Azərbaycan vətəndaşları ilə fəxr edirik.

Uşaqların sosial şəbəkələrdən təhlükəsiz istifadəsi  mövzusunda danışan Vaqif Teymurov uşaqlara internetdən istifadə edərkən qarşılaşa biləcəkləri təhlükələr barədə məlumat verib və virtual aləmdə yeniyetmələrin dələduzlar tərəfindən necə aldadılaraq təsir altına salınması barədə uşaqları xəbərdar edib. Bununla yanaşı, sosial şəbəkələrdən istifadə edərkən hansı təhlükəsizlik qaydalarına riayət etməli olduqları, çətin və yaddaqalan şifrə yaratmağın yolları və s. barədə tövsiyələrini verib.

Sonda mövzu üzrə şagirdlərin suallar cavablandırılıb. Tədbirdə 25 şagirdin iştirakı təmin edilib.