Yanvarın 26-da Naxçıvan Muxtar Respublikası Şahmat Federasiyasının Sədərək Rayon bölməsi və  Sədərək Rayon Təhsil Şöbəsinin təşkilatçılığı ilə ümumtəhsil məktəbləri arasında şagirdlərin şahmat proqramlarından istifadəsini daha da artırmaq məqsədilə lichess.org plartforması vasitəsilə onlayn yoldaşlıq görüşü keçirilib.

Görüşdə ümumtəhsil məktəblərinin 20-yə yaxın şahmatçı şagirdləri iştirak edib. Maraqlı keçən görüşün yekun nəticələrinə əsasən I yerə Gökhan Hüseynov, II yerə Aqşin Ağakişiyev, III yerə isə Nurşən İbrahimzadə layiq görülmüşdür.

Qaliblər təşkilatçıların diplomları ilə mükafatlandırılmışlar.

Eyni zamanda şahmat dərslərini tədris etmək, bu dərslərdə təcrübəli müəllimlərin iştirakını təmin etmək, bütün ümumtəhsil və şahmat məktəblərinin canlı bağlantısını təşkil etmək məqsədilə Sədərək Rayon Uşaq Gənclər Şahmat məktəbi və ümumtəhsil məktəblərinin şagirdləri arasında Elektron lövhə vasitəsilə interaktiv dərs keçirilib. Keçirilən dərsdə ümumtəhsil məktəblərinin 40-a yaxın şahmatçı şagirdləri iştirak edib.