Babək şəhər 2 nömrəli tam orta məktəb ilə Rayon Uşaq Gənclər Şahmat Məktəbi rayonun qız və oğlan şagirdləri arasında “2 fevral - Gənclər Günü”nə həsr olunmuş “Dairəvi sistem” üzrə şahmat yarışı təşkil etmişdir. Yarış məktəbin I-VIII sinifləri arasında keçirilmişdir. Yarışda baş hakim kimi şahmat məktəbinin baş təlimatçısı Zakir Quliyev iştirak etmişdir.

Yarışın yekun nəticələrinə görə oğlanlar arasında Nəqi Əsgərli I, Məhəmməd Nuriyev II, Həsən Həsənzadə III yerə, qızlar arasında isə Fatimə Məmədova I, Ləman Allahverdiyeva II, Fatma Məhərrəmli isə III yerə layiq görülmüşdür.

Yarışın sonunda qaliblər diplomla mükafatlandırılmışlar.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi