Fevralın 3-də  Sədərək Rayon Təhsil Şöbəsinin təşkilatçılığı ilə Sədərək rayon Sədərək kənd 1 nömrəli  tam orta məktəbdə Nizami Gəncəvinin “Sirlər xəzinəsi” poemasının müzakirəsi keçirilib.

Müzakirədə məktəbin Azərbaycan dili və Ədəbiyyat müəllimi Samirə Əsgərli şagirdlərə bildirib ki, dahi Azərbaycan şairi və mütəfəkkiri Nizami Gəncəvi hələ sağlığındaykən özü də yaradıcılığının dəyərini yaxşı bilmişdir.

Şair “Sirlər xəzinəsi” poemasında belə bir fikir bildirir ki, elmin, mədəniyyətin, ədəbiyyatın inkişafında dəmir bir qanunauyğunluq var. Nizami özündən əvvəlkilərlə müqayisədə şeiri elə bir əlçatmaz yüksəkliyə qaldırmışdır ki, sonradan gələn sənətkarlar onun yolu ilə getməyi, ona bənzəməyi, onun şagirdi olmağı özləri üçün fəxarət saymışlar. Nizami mövzularında əsərlər yazmaq, ondan mənalar iqtibas etmək artıq bir ənənəyə çevrilmişdir. Nizami yüksək rütbəli bir ziyalı olmuşdur deyə vurğlayan müəllim diqqətə çatdırıb ki, Nizami Gəncəvinin anadan olmasının 880 illiyi tamam olması münasibətilə Azərbaycan Respublikasının Prezidenti İlham Əliyevin 2021-ci ili Azərbaycan Respublikasında “Nizami Gəncəvi İli” elan edilməsi ilə bağlı Sərancam imzalanmışdır.

Müzakirənin sonunda şagirdləri maraqlandıran sualar müəllim tərəfindən cavablandırılıb.