Culfa Rayon Uşaq Gənclər Şahmat Məktəbində məktəblilər arasında şahmat yarışı keçirilmişdir. Yarış Naxçıvan Muxtar Respublikası Şahmat Federasiyasının Culfa Rayon Bölməsi, Culfa Rayon Təhsil Şöbəsi, Yeni Azərbaycan Partiyası Culfa Rayon Təşkilatı Gənclər Birliyi və Gənclər və İdman İdarəsinin birgə təşkilatçılığı ilə keçirilmişdir.

Yarışın keçirilməsində əsas məqsəd şahmat oyununu daha da kütləviləşdirmək və şagirdlər arasında idman və dostluq əlaqələrini inkişaf etdirməkdən ibarət olmuşdur.

Məktəbin direktoru Vahid Həsənov yarışın qaydaları haqqında məlumat verdikdən sonra yarışa start verilmişdir.

44 şahmatçının iştirak etdiyi yarış İsveçrə sistemi ilə 7 turdan ibarət olmuşdur.

Yarışın yekun nəticələrinə əsasən, I yerə Turan Nağıyev, II yerə Elvin Hüseynli, III yerə isə Mehman Quliyev layiq görülmüşdür.

Sonda qaliblər və fərqlənən şahmatçılar təşkilatçılar tərəfindən diplom  ilə mükafatlandırılmışlar.