Fevralın 11-də 3 nömrəli tam orta məktəbin idman zalında dostluq və idman əlaqələrinin gücləndirilməsi məqsədilə Naxçıvan şəhər ümumtəhsil məktəblərində yaradılan idman klubları arasında voleybol üzrə yoldaşlıq görüşü keçirilmişdir.

Görüşdə çıxış edənlər görüşün məqsədi haqqında danışmış, komandalara uğurlar arzulamışlar. Naxçıvan Şəhər Təhsil Şöbəsi, Gənclər və İdman İdarəsi, və Uşaq-Gənclər İdman Məktəbinin birgə təşkil etdiyi görüşdə 5 və 15 nömrəli tam orta məktəblərin komandaları iştirak etmişlər.

Yoldaşlıq görüşünün yekununa əsasən 15 nömrəli tam orta məktəbin komandası 3:0 hesabı ilə qalib gəlmişdir.

Sonda hər iki komandaya təşkilatçıların diplom və fəxri fərmanları təqdim edilmişdir.