Dahi şair ve mütəffəkir Nizami Gəncəvinin anadan olmasının 880 illiyi ilə əlaqədar olaraq 2021-ci il Prezident İlham Əliyev tərəfindən Azərbaycan Respublikasında Nizami Gəncəvi ili elan edilmişdir.

Şərur rayon Mahmudkənd və Dizə kənd tam orta məktəblərində bu münasibətlə şagirdlərlə söhbət aparılıb. Müzakirədə dahi şairimiz Nizami Gəncəvinin həyat və yaradıcılığı haqqında şagirdlərə ətraflı məlumat verilib. Bildirilib ki, Nizami Gəncəvi Yaxın Şərq xalqları mədəniyyətinin inkişafı tarixində müstəsna rolu olan ölməz sənətkardır. Böyük şairin zəngin yaradıcılığı qədim tarixə malik Azərbaycan mədəniyyətinin inkişafında yeni parlaq mərhələdir. Nizami öz əsərləri ilə Şərq ictimai bədii fikrində yeni bir səhifə açmış, bədii yaradıcılığa əsirlər boyu məhəbbətlə özlənilən bu gündə həyati əhəmiyyətini itirməyən ənənələr gətirmişdir.

Söhbət zamanı “Nizami Gəncəvi və Naxçıvan”, “Nizami Gəncəvi əsərləri və oxucuları”, “Nizami Gəncəvinin həyat və yaradıcılığı” mövzularında çıxışlar dinlənilmiş, şagirdlər Azərbaycan ədəbiyyatının dahi söz ustası Nizami Gəncəvinin əsərlərindən parçalar söyləmişlər.