16 fevral 2021-ci il tarixdə Naxçıvan Muxtar Respublikası Texniki Yaradıcılıq Mərkəzinin təşkilatçılığı ilə Naxçıvan şəhər 7 nömrəli tam orta məktəbin kitabxanasında “Oxunması zəruri olan  kitabların siyahısı”na daxil edilmiş Qurban Səidin “Əli və Nino” romanının müzakirəsi keçirilib.

Müzakirədə mərkəzin şöbə müdiri Məhbubə Məmmədova romanın məzmunu, ideyası, gənclərin milli məfkurəsinin formalaşdırılmasında rolu haqqında geniş məlumat verib. Bildirib ki, əsərin ideyasının bu günlə səsləşdiyini və milli vətənpərvərlik tərbiyəsində mühüm əhəmiyyət daşıdığını qeyd edib.  Əsərdə qan yaddaşına əbədi hopmuş qəhrəmanlıq, vətənpərvərlik, milli köklərə bağlılıq, bütün dinlərə hörmət kimi nəcib keyfiyyətlərin  böyük məhəbbətlə tərənnüm olunması məktəblilərin diqqətinə çatdırılıb. Qeyd edilib ki, bu gün gənclərimizin milli köklərə bağlılığının vətənimizin işğal altında olan torpaqlarımızın azadlığı uğrundakı Vətən müharibəsində iştirakı bunu bir daha sübut etdi.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi