Naxçıvan Muxtar Respublikası Təhsil Nazirliyi və Dövlət İmtahan Mərkəzinin Naxçıvan Muxtar Respublikası Regional Bölməsinin birgə təşkilatçılığı ilə 2021-ci ildə keçirilməsi nəzərdə tutulan buraxılış imtahanlarında iştirak edəcək nəzarətçi müəllimlərlə maarifləndirici seminarlar keçirilmişdir. mövcud vəziyyətlə əlaqədar olaraq seminarlar Təhsil Nazirliyində videobağlantı formatda təşkil edilmişdir.

Seminarın keçirilməsində əsas məqsəd imtahanda iştirak edəcək nəzarətçi müəllimlərə imtahan təlimatına tam uyğun olaraq protokolların doğru-düzgün aktlaşdırılması, abituriyentlərin təlimata uyğun yerləşdirilməsi və imtahan prosesində qəbul olunmuş digər qaydaların aşılanmasından ibarət olmuşdur.

21-28 yanvar 2021-ci il tarixlərdə keçirilən seminarlara 482 nəzarətçi müəllim, 15-22 fevral 2021-ci il tarixlərdə keçirilən seminarlara isə 301 nəzarətçi müəllim olmaqla, ümumilikdə 783 nəzarətçi müəllim cəlb edilmişdir. Mərhələli şəkildə həyata keçirilən onlayn seminarlarda Naxçıvan şəhərinin, Şərur, Babək, Ordubad, Culfa, Kəngərli, Şahbuz və Sədərək rayonlarının əhatə etdiyi ümumtəhsil məktəblərinin nəzarətçi müəllimləri iştirak etmişlər.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi