Dövlət İmtahan Mərkəzinə daxil olan çoxsaylı müraciətlər nəzərə alınaraq 1 mart 2021-ci il tarixdən Şərur şəhər 2 nömrəli tam orta məktəbdə müəllimlərin işə qəbulu və sertifikatlaşdırma imtahanlarında iştirak edəcək şəxslər üçün yeni hazırlıq kursları fəaliyyətə başlayacaqdır.
Aylıq ödənişi 70 manat olan hazırlıq kursu 2 sahə - kurikulum və pedaqogika istiqamətləri üzrə aparılacaqdır.
İbtidai sinif müəllimləri üçün isə Azərbaycan dili, riyaziyyat, kurikulum və pedaqogika istiqamətləri üzrə hazırlıq kursunun aylıq ödəniş məbləği 120 manatdır.

Hazırlıq kurslarında iştirak etmək istəyənlər qeyd olunan məbləği Dövlət İmtahan Mərkəzinin "Naxçıvanbank" ASC-dəki bank hesabına ödəməli və ödənişə dair qəbzi təqdim etməklə qeydiyyatdan keçməlidirlər. Qeydiyyatdan keçmək istəyənlər martın 1-i saat 10:00-dan 18:00-dək Dövlət İmtahan Mərkəzinin 2 nömrəli məktəbdəki nümayəndəsinə müraciət edə bilərlər.
Dövlət İmtahan Mərkəzinin inzibati binasına yaxınlaşaraq və ya (036) 545-65-71 nömrəli telefonla əlaqə saxlayaraq qeydiyyatdan keçmək də mümkündür.
İştirakçıların hazırlıq səviyyəsini müəyyən etmək üçün hər ay Dövlət İmtahan Mərkəzinin Test mərkəzində sınaq imtahanları keçiriləcəkdir. Dövlət İmtahan Mərkəzinin təşkil etdiyi hazırlıq kursunun iştirakçısı olan müəllimlər sınaq imtahanlarında güzəştli qiymətlərlə iştirak edəcəklər.

Əlavə məlumat üçün:
Tel: (036) 545-65-71
E-mail: Hazır ki e-mail adres spam botlar tərəfindən qorunur , Baxmaq üçün Javascripti aktiv etməlisiniz.