24 fevral 2021-ci il tarixdə Ordubad şəhər 3 nömrəli tam orta məktəbdə məktəblilərə vətənpərvərlik hisslərinin aşılanması məqsədilə Xocalıda hər iki valideynini itirmiş 25 uşaq haqqında Elşad Eyvazlının “Böyüməyən uşaqlar” kitabının motivləri əsasında çəkilmiş eyniadlı film nümayiş olunmuşdur. Ordubad Rayon Təhsil Şöbəsi, Gənclər və İdman İdarəsi və Yeni Azərbaycan Partiyası Ordubad Rayon Təşkilatının Gənclər Birliyinin birgə təşkilatçılığı ilə nümayiş olunan filmə 12 yeniyetmə məktəbli baxmışdır.

Filmdə Xocalıda törədilmiş soyqırımı və faciənin baş vermə səbəbləri haqqında geniş məlumat verilir. Eyni zamanda Xocalı faciəsinin canlı şahidi, soyqırımı zamanı bütün ailə üzvlərini itirmiş Mehdi Əliyevin təəssüratları fonunda bir daha həmin günün dəhşətləri danışılır. Həmçinin, soyqırımında ən çox əziyyət çəkənlərdən biri Mehdi Əliyevin müsahibəsi və son olaraq Xocalıya ədalət mesajı çatdırılır.