Sədədərək Rayon Təhsil Şöbəsi, Şahmat Federasiyasının rayon bölməsi, Yevlax Şəhər Uşaq-Gənclər İdman Şahmat Məkətəbi və İzmir Deha Satranc Mərkəzinin birgə təşkilatçılığı ilə Azərbaycan və Türkiyə şahmatçı şagirdləri arasında  “Bir Millət İki Dövlət” devizi altında yoldaşlıq görüşü keçiriləcək.

16 mart 2021-ci il tarixdə saat 20:00-da keçiriləcək görüşdə Azərbaycanın rayon və şəhərlərindən Yevlax, Göyçay, Ucar, Ağdaş, Samux, Oğuz, Tərtər, Bərdə Uşaq Gənclər İdman Şahmat məktəbləri, Naxçıvan Muxtar Respublikasından Sədərək və Kəngərli Rayon Uşaq-Gənclər Şahmat məktəblərinin komandaları və Türkiyədən İzmir Deha, Muğla, Ankara, Beyaz kale, Denizli, İsgenderum, Karşıyaka, Manisa, Sardes və Kırıkkale Satranc Mərkəzləri və kulublarının komandaları iştirak edəcək.

Keçiriləcək görüşdə hər komandada 30 olmaqla, ümumilikdə 600 müxtəlif dərəcəli şahmatçı şagirdin iştirakı nəzərdə tutulur.

Lichess.org internet plortforması vastəsilə keçiriləcək görüş Youtube üzərindən  canlı yayımlanacaqdır.

Görüşün yekun nəticələrinə əsasən A və B qrupundan ilk beşliyə daxil olan şahmat klub və məktəbləri 21 mart 2021-ci il tarixdə saat 18:00-da keçiriləcək final mərhələsinə vəsiqə qazanacaqdır.

Yarımfinal və final turunun nəticələri Naxçıvan Muxtar Respublikası Təhsil Nazirliyi və Naxçıvan Şahmat Federasiyasının rəsmi internet saytlarında elan ediləcəkdir.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi