Culfa Rayon Təhsil Şöbəsi, İcra Hakimiyyəti, Gənclər və İdman İdarəsi və Uşaq Gənclər İdman Məktəbinin birgə təşkilatçılığı ilə Culfa şəhər 3 nömrəli tam orta məktəbin idman zalında stolüstü tennis idman klubları arasında yoldaşlıq görüşü keçirilmişdir. Tədbirin keçirilməsində əsas məqsəd şagirdlərin idman bacarıqlarını inkişaf etdirmək və istedadlarını üzə çıxarmaq, onların asudə vaxtlarını səmərəli təşkil etməkdən ibarət olmuşdur.  Yarışın yekun nəticəsinə əsasən Bənəniyar kənd tam orta məktəbin komandası I, Culfa şəhər 3 nömrəli tam orta məktəbin komandası II, Culfa şəhər 2 nömrəli tam orta məktəbin komandası III yeri tutmuşdur. Qalib gələn komandalara və fərqlənən idmançılara diplomlar verilmişdir.

Culfa Rayon Təhsil Şöbəsi, Gənclər və İdman İdarəsi,  Naxçıvan Muxtar Respublikası Hava və Ekstremal Növləri Federasiyasının Culfa Rayon Bölməsi və Culfa Rayon Uşaq Gənclər İdman Məktəbinin birgə təşkil etdiyi şagirdlər arasında velosiped üzrə rayon turniri Naxçıvan Muxtar Respublikasının yaranmasının 97 illik yubleyinə həsr edilmişdir.  25 şagirdin iştirak etdiyi yarış Culfa Şəhər Bayraq Meydanından Gülüstan Tarix Mədəniyyət Qoruğunadək olan məsafədə keçirilmişdir. Tədbirin sonunda qaliblər təşkilatçıların hədiyyələri ilə mükafatlandırılmış və şagirdlər Gülüstan türbəsinə ekskursiya etmişlər.