Naxçıvan Muxtar Respublikası Təhsil Nazirliyinin “Mütaliə aylığıˮnın keçirilməsi ilə bağlı Tədbirlər Planına uyğun olaraq Sədərək rayon Təhsil Şöbəsinin əhatə etdiyi ümumtəhsil məktəblərində Moris Meterlinkin “Göy quş” əsərinin müzakirəsi və esse yazı büsabiqəsi keçirilib.

Keçirilən müzakirələrdə Təhsil Şöbəsinin əməkdaşları, ümumtəhsil məktəblərinin Azərbaycan dili və ədəbiyyatı müəllimləri olmaqla ümumilikdə 75 şagird iştirak edib.

Müzakirədə çıxış edənlər bildiriblər ki, “Oxunması zəruri olan kitabların Siyahısı”na daxil olan Moris Meterlinkin fransız dilində yazılmış “Göy quş” əsəri 1911-ci ildə Nobel mükafatına layiq görülmüşdür. Əsər 6 pərdə, 12 şəkildən ibarətdir. Bu əsər onu oxuyanlara, müdrik və ibrətamiz duyğular aşılamaqdadır deyə vurğlayıblar. Daha sonra şagirdlər əsər haqqında çıxışlar edərək qiraət ediblər. Müəllimlər tərəfindən şagirdlərin sualları müzakirə olunaraq cavablandırılıb.

Daha sonra şagirdlər tərəfindən əsər haqqında essenin yazılmasına başlanıb. Şagirdlərə esseni yazmaq üçün 2 saat vaxt verilib. Müsabiqədə Təhsil Şöbəsinin əməkdaşları və ümumtəhsil məktəblərinin Azərbaycan dili və ədəbiyyatı müəllimlərindən ibarət münsiflər heyəti yaradılıb. Münsiflər heyəti tərəfindən esselər yoxlanıldıqdan sonra qiymətləndirmə aparılıb.

Beləliklə, rayon ümumtəhsil məktəbləri üzrə 1 – I yer, 1 – II yer, 1 – III yer və 1 – həvəsləndirici yer müəyyən edilib. Müsabiqənin qaliblərinə diplomlar təqdim edilib.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi