Naxçıvan Muxtar Respublikası Təhsil və Mədəniyyət nazirliklərinin “Təhsil və mədəniyyət müəssisələrinin qarşılıqlı fəaliyyətinin səmərəli təşkili ilə bağlı 2020-2021-ci tədris ili üçün tədbirlər planı”na əsasən Naxçıvan Muxtar Respublikasının Təhsil Nazirliyinin və Naxçıvan Dövlət Film Fondunun birgə təşkilatçılığı ilə “Bu, kino ki var...” adlı kinoviktorinanın muxtar respublika birinciliyi keçirilib.

Naxçıvan Şəhər Gənclər Mərkəzində keçirilən birincilikdə Naxçıvan Muxtar Respublikasında fəaliyyət göstərən orta məktəblərin 5-9-cu sinif şagirdlərindən ibarət 8 komanda iştirak edib. Kinoviktorinanın keçirilməsində məqsəd məktəblilərin kino biliyinin yoxlanılması və milli kinonun təbliğidir.

Yarımfinal mərhələsində ən yüksək bal toplayaraq finalda iştirak edən Ordubad, Şərur, Sədərək və Naxçıvan şəhər 7 nömrəli tam orta məktəbin komandaları arasında Naxçıvan şəhər 7 nömrəli tam orta məktəbin komandası I, Ordubad rayon komandası II, Şərur rayon komandası isə III yerə layiq görülüb.

Sonda qalib komandalar diplomla təltif olunublar.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi