Kəngərli Rayon Təhsil Şöbəsi, Gənclər və İdman İdarəsi, Uşaq-Gənclər İdman Məktəbi  və Polis Şöbəsinin birgə təşkilatçılığı ilə mini futbol  üzrə  rayon birinciliyi keçirilib.

Yarışda 8 komanda iştirak edib. Gərgin idman mübarizəsi və dostluq şəraitində keçən oyunun sonunda Qıvraq qəsəbə tam orta məktəbin komandası I, Xok kənd tam orta məktəbin komandası II, Qarabağlar kənd 2 nömrəli tam orta məktəbin komandası III,  Şahtaxtı kənd  tam orta məktəbin komandası isə həvəsləndirici yerə layiq görülüb.

Yarışın sonunda qalib komandalar təşkilatçılar tərəfindən diplomla  mükafatlandırılıb.