Sədərək Rayon Təhsil Şöbəsi, Naxçıvan Muxtar Respublikası Şahmat Federasiyası, Muğla Böyük Şəhər Bələdiyyəsi və Yevlax Şəhər Uşaq Gənclər İdman Şahmat Məktəbinin birgə təşkilatçılığı ilə “28 May - Respublika Günü”nə həsr olunmuş Azərbaycan, Türkiyə və Pakistan məktəbliləri arasında şahmat üzrə onlayn yoldaşlıq görüşü keçirilib.

23 may 2021-ci il tarixdə saat 18:00-da keçirilən görüşdə Azərbaycanın şəhər və rayonlarının, Naxçıvan Muxtar Respublikasının Sədərək və Kəngərli Rayon Uşaq Gənclər Şahmat məktəblərinin komandaları, Türkiyə və Pakistan respublikalarının şəhər və rayon Şahmat məktəbləri və mərkəzlərinin şagirdləri olmaqla, ümumilikdə 28 komanda üzrə 351 müxtəlif dərəcəli şahmatçı şagird iştirak edib.

Lichess.org internet plortforması vastəsilə keçirilən görüş Youtube üzərindən canlı yayımlanıb.

Görüşün yekun nəticələrinə əsasən I yerə Turğutlu Deha Satranc Kulübü, II yerə Antakya Satranc, III yerə Serdas Satranc Kulübü, IV yerə Karşıyaka Satranc Kulübü, V yerə isə Yevlax Şəhər Uşaq Gənclər İdman Şahmat məktəbinin komandası layiq görülüb. Qaliblər təşkilatçılar tərəfindən kubok və diplomlarla mükafatlandırılıblar.

Ülviyyə HACIYEVA

Naxçıvan Muxtar Respublikası Təhsil

Nazirliyinin mətbuat və ictimaiyyətlə

əlaqələr üzrə baş məsləhətçisi