Gənc nəslin milli dövlətçilik, vətənpərvərlik ruhunda tərbiyəsini yüksəltmək, istedadlı məktəbliləri aşkara çıxarmaq, mədəniyyət və ədəbiyyatımızın inkişafı və təbliğini təmin etmək məqsədilə muxtar republika ümumtəhsil məktəblərinin şagirdləri arasında “28 May-Respublika günü”nə həsr olunmuş şeir müsabiqəsi keçirilib.

Mayın 27-də Heydər Əliyev Uşaq-Gənclər Yaradıcılıq Mərkəzində keçirilən müsabiqədə Təhsil Nazirliyinə birbaşa tabe məktəblər və şəhər və rayon ümumtəhsil məktəbləri üzrə 21 şagird iştirak edib.

Müsabiqədə şagirdlər Azərbaycanın müstəqillik əldə etməsinə və bu yolda qəhrəmanlarımızın qazandığı uğurlara aid şeirlər səsləndiriblər.

Şagirdlər mövzu üzrə şeirləri bədii qiraət etdikdən sonra münsiflər heyəti tərəfindən qiymətləndirmələr aparılıb. Nəticələrə uyğun olaraq bir-I yer, iki-II yer, üç-III yer və  üç-həvəsləndirici yer olmaqla, 9 qalib müəyyən edilib.

Sonda şeir müsabiqəsinin qalibləri və ümummilli lider Heydər Əliyevin anadan olmasının 98-ci ildönümünə həsr olunmuş inşa yazı müsabiqəsinin qalibləri diplom və hədiyyələrlə mükafatlandırılıb.

Naxçıvan Muxtar Respublikası Təhsil

Nazirliyinin mətbuat xidməti