STEAM təhsili üzrə şagirdlərdə zəruri bilik və bacarıqların möhkəmləndirilməsi, öyrənilənlərin ümumiləşdirilməsi məqsədilə Ağbulaq istirahət mərkəzində  keçirilən “Yay məktəbi” şagirdlərin dünyagörüşünün və intellektual səviyyələrinin düzgün istiqamətləndirilməsi,  biliyinin zənginləşdirilməsi ilə yanaşı, onların şəxsiyyət kimi formalaşması, fiziki, psixoloji, idraki və sosial inkişafı, potensial imkanlarının üzə çıxarılması, müstəqillik, yaradıcılıq, təşəbbüskarlıq kimi keyfiyyətlərinin formalaşması  və asudə vaxtlarının səmərəli təşkil edilməsi baxımından da əhəmiyyətlidir.

Ağbulaq İstirahət Mərkəzi ilə tanış olan şagirdlər 4 günlük “Yay məktəbi”ndə həm öyrənir, həm də istirahət edirlər. Şagirdlər səhər, nahar və şam yeməkləri ilə təmin olunur, tədris mövzularına uyğun hazırlanmış proqram üzrə STEAM düşüncəsi və metodikası, XXI əsr bacarıqları, fənlərarası əlaqə, layihə əsaslı öyrənmə, innovativ təlim metodikaları kimi istiqamətlərdə məlumatlarlandırılır, bununla yanaşı onların istirahət vaxtlarının səmərəli təşkili üçün müxtəlif idman və əyləncəli intellektual oyunlar təşkil olunur, sənədli filmlər nümayiş  olunur.