Dekabrın 7-də Təhsil Nazirliyində İngilis dili müəllimlərinin yüksək keyfiyyətli və peşəkar təlimlərdə iştirakı istiqamətində əməkdaşlığın qurulması ilə bağlı Britaniya Şurasının Azərbaycan Respublikası üzrə direktoru Fransis Qardener Trexo ilə görüş olub.

Görüşdə Təhsil naziri muxtar respublikada təhsil müəssisələrində yaradılan müasir tədris şəraiti, innovativ təlim metodlarının tətbiqi, həmçinin kadr hazırlığı ilə bağlı qonağa geniş məlumat verilmişdir.

Britaniya Şurasının Azərbaycan Respublikası üzrə direktoru Fransis Qardener Trexo görüşə görə təşəkkürünü bildirmiş, Britaniya Şurası tərəfindən ölkə səviyyəsində həyata keçirilən layihələr, o cümlədən ingilis dilinin pedaqogikası və metodologiyası ilə bağlı müəllim, şagird və tələbə hazırlığı ilə bağlı məlumat vermişdir. Fransis Qardener Trexo İngilis dili müəllimləri üçün keçiriləcən onlayn təlimlərdə muxtar respublikanın müəllimləri üçün bu imkanların yaradılmasının mümkünlüyünü qeyd etmişdir.

Naxçıvan Muxtar Respublikası

Təhsil Nazirliyinin mətbuat xidməti