18 yanvar 2022-ci il tarixdə Culfa Rayon Təhsil Şöbəsinin, Gənclər və İdman İdarəsinin və Naxçıvan Gənc Müəllimlər Assosiasiyasının birgə təşkilatçılığı ilə Culfa rayon ümumtəhsil məktəblərində fəaliyyət göstərən gənc müəllimlər arasında İntellektual oyun keçirilmişdir.

Tədbirdə iştirak edən Naxçıvan Gənc Müəllimlər Assosiasiyasının Culfa Rayon İdarə Heyətinin üzvü Vəli Sərxanlı bildirmişdir ki, gənc müəllimlərin intellektual səviyyəsini, dünyagörüşünü, zehni inkişafını stimullaşdırmaq və asudə vaxtlarının səmərəli keçirilməsi məqsədi ilə bir sıra tədbirlər həyata keçirilir. Bu gün təşkil olunan “Nə? Harada? Nə Zaman?” intellektual oyunu da bu baxımdan çox böyük əhəmiyyətə malikdir.

Tədbirdə çıxış edən Culfa Rayon Təhsil Şöbəsinin Metodkabinet müdiri Kamran Cəfərov, Gənclər və İdman İdarəsinin əməkdaşı Elçin Cəfərov oyunun keçirilməsi qaydaları ilə komandaları tanış etmişdir. Bildirmişdir ki, İntellektual oyuna 8 komanda cəlb olunub və hər komanda da 4 müəllim olmaqla ümumilikdə 32 müəllim iştirak edir. İntellektual oyun 2 turdan ibarət olacaq və hər turda 12 sual olmaqla ümumilikdə 24 sual səsləndiriləcəkdir. Hər düzgün cavaba görə komandaya 1 xal veriləcək, daha çox xal qazanan komanda qalib olacaqdır.

Sonda Culfa rayon Dizə kənd tam orta məktəbin “Artemida” komandası I yerə,  Culfa rayon Ərəzin kənd tam orta məktəbin “Əlincə” komandası II yerə,  Culfa rayon Əlincə kənd tam orta məktəbin “Turan” komandası III yerə layiq görülmüşdür.

İntellektual oyunda I, II və III yerləri tutan  komandalara və onların üzvlərinə təşkilatçıların diplomları təqdim olunmuşdur.