Fevralın 1-də Naxçıvan Şahmat Mərkəzində növbəti interaktiv dərs keçirilib.

Dərs ümumtəhsil məktəblərinin şagirdləri üçün saat 11:00-da, ümumtəhsil məktəblərində şahmat fənnini tədris edən müəllimlər üçün saat 12:00-da, Şahmat məktəbləri üçün isə saat 15:00-da baş tutub.

Şagirdlər üçün Beynəlxalq dərəcəli şahmat ustası Emin Hacıyev tərəfindən tərəfindən saat 11:00-da Naxçıvan şahmatçılarının oyunların təhlili mövzusunda keçirilən interaktiv dərsdə Naxçıvan Premium turnirində oynanılan oyunlardakı səhvlər bildirilib və birlikdə təhlil olunaraq düzgün oynamaq qaydaları göstərilib. Dərs 45 dəqiqə keçirilib.

Saat 12:00-da  müəllimlər üçün keçirilən seminarda elektron şahmat proqramlarından istifadə qaydaları haqqında məlumat verilib. Seminarda şahmat oyununda istifadə olunan proqramlar haqda məlumat verilib. Müasir dövrdə belə proqramlardan istifadə edilməsinin vacibliyi vurğulanıb. Müəllimləri maraqlandıran suallar cavablandırılıb. Dərs 60 dəqiqə keçirilib.

Bununla yanaşı saat 15:00-da  şahmat məktəbləri ilə  Siciliya müdafiəsinə aid oyunların təhlili mövzusunda interaktiv dərs keçirilibdir. Dərsdə Siciliya müdafiəsi haqqında məlumat verilib, debütə aid oyunlar nümayiş olunub. Şagirdlərlə birlikdə debütə aid oyunlar təhlil olunub. Keçirilən dərsin müddəti 60 dəqiqə olub.

İnteraktiv dərs muxtar respublikanın 200-dən artıq təhsil müəssisəsində şagird və müəllimlər tərəfindən elektron lövhə vasitəsilə izlənilib.

Naxçıvan Muxtar Respublikası

Təhsil Nazirliyinin mətbuat xidməti