2018-ci il sentyabrın 5-də hər iki valideynini itirən, sağlamlıq imkanları məhdud və aztəminatlı ailələrin uşaqlarının məktəbli formaları və ləvazimatları ilə təmin olunmuşlar. Bu məqsədlə Naxçıvan şəhəri və muxtar respublikanın ayrı-ayrı rayonlarında toplantılar keçirilmişdir.

Hər iki valideynini itirən uşaqlar Təhsil Nazirliyi, sağlamlıq imkanları məhdud uşaqlar Əmək və Əhalinin Sosial Müdafiəsi Nazirliyi, aztəminatlı ailələrin uşaqları isə Ailə, Qadın və Uşaq Problemləri üzrə Dövlət Komitəsi tərəfindən məktəbli formaları və ləvazimatları ilə təmin olunmuşlar.

2018-ci ildə hər iki valideynini itirən 44 uşaq, sağlamlıq imkanları məhdud 275 uşaq, aztəminatlı ailələr üzrə 70 uşaq olmaqla, ümumilikdə 389 uşaq məktəbli formaları və ləvazimatları ilə təmin olunmuşdur. Məktəbli formaları Naxçıvan şəhərində əmək və əhalinin sosial müdafiəsi və təhsil nazirləri, Ailə, Qadın və Uşaq Problemləri üzrə Dövlət Komitəsinin sədri tərəfindən, rayonlarda isə qeyd olunan bu aidiyyəti təşkilatların və rayon İcra Hakimiyyətinin nümayəndəsi tərəfindən şagirdlərə təqdim olunmuşdur.