Məşqçi Şəfi Hüseynovun rəhbərliyi ilə Naxçıvan Atletika Federasiyasının idmançısı Həsən Babayev yarışa qatılmaqla medallar uğrunda mübarizə aparıb. Təmsilçimiz etimadı doğruldaraq mükafatçılar sırasına düşməyi bacarıb. O, yaşı 15-ə qədər olan atletlərin yarışında 89 kq çəki dərəcəsi üzrə qızıl medal qazanıb. İdmançımız birdən 94 kq, təkanla qaldırmada isə 122 kq-lıq çəkini ram edərək toplamda 216 kq nəticə ilə öz çəkisində ölkə birincisi olub. Yeniyetmə atletimiz bu göstərici ilə ötən ay kişilər və qadınlar arasında keçirilən Azərbaycan çempionatındakı nəticəsini də geri qoyub. Həmin yarışda toplamda 195 kq nəticəyə nail olan Həsən (85+110=) 4-cü yerə layiq görülmüşdü.
Qeyd edək ki, ötən ay yeniyetmələrdən ibarət Azərbaycan yığma komandasına dəvət alan Həsən Babayev qarşıdakı təlim-məşq toplanışlarında iştirak edəcək. Bu proses 2022-cin ilin avqust ayında Polşada keçiriləcək Avropa çempionatına hazırlıq məqsədi daşıyır.
