Tədbirdə Naxçıvan Muxtar Respublikasının təhsil naziri Rəhman Məmmədov olimpiada qaliblərini təbrik edib. Bildirib ki, əldə olunan uğurlu nəticə muxtar respublikada təhsilə göstərilən dövlət qayğısının, yaradılan müasir tədris şəraitinin nəticəsidir.
Təhsil naziri bildirib ki, təhsildə aparılan məqsədyönlü tədbirlərin nəticəsidir ki, artıq muxtar respublikada şagirdlər hərtərəfli biliyəyiyələnməkləyanaşı buraxılış və qəbul imtahanlarında da yüksək nəticələr göstərirlər.Muxtar respublika məktəbliləri arasında keçirilən olimpiadaların əhəmiyyətindən də danışan təhsil naziri bildirib ki, şagirdlərin biliklərinin inkişaf etdiriməsində olimpiadaların böyük əhəmiyyəti var. Olimpiadaların keçirilməsi xüsusi istedadlı uşaqların üzə çıxarılmasında, şagirdlərdə fənlərə olan marağın artırılmasında onların sağlam rəqabət mühitində öz bilik və bacarıqlarını nümayiş etdirmələrində mühüm rol oynayır. Olimpiadalarda iştirak şagirdlərdə ozünə inam hisslərini gücləndirir. Bu məqsədlə də Naxçıvan Muxtar Respublikası Təhsil Nazirliyi tərəfindən şagirdlərin olimpiadalarda iştirakı diqqət mərkəzində saxlanılır.
Qeyd olunub ki, 2021-2022-ci tədris ilində 2000-dən çox şagird Muxtar Respublika və Respublika Fənn Olimpiadalarında, Fənn müsabiqələrindəiştirak edib.
Muxtar Respublika və Respublika Fənn Olimpiadalarında, həmçinin Lütfi Zadə adına məntiq olimpiadasında 20 şagird qızıl, 35 şagird gümüş, 30 şagird isə bürünc medala layiq görülüb. Fənn müsabiqələrində isə 2 şagird qızıl, 3 şagird gümüş, 5 şagird bürünc medal qazanıb.
Vurğulanıb ki, cari tədris ilində “Kenquru Beynəlxalq Riyaziyyat Olimpiadası”nda və “Amerikan Beynəlxalq Riyaziyyat müsabiqəsi”ndə 3062 məktəbli iştirak edib. Onlardan 29-u qızıl, 52-si gümüş, 80-nı isə bürünc medala layiq görülüb.
Rəhman Məmmədov bildirib ki, cari tədris ilində muxtar respublikanın ümumtəhsil məktəblərinin şagirdləri arasında ilk dəfə olaraq SASMO beynəlxalq riyaziyyat olimpiadası da keçirilib. Bu olimpiadanın keçirilməsində məqsəd şagirdlərin riyaziyyat fənninə marağınıartırmaq olub. SASMO beynəlxalq riyaziyyat olimpiadasında iştirak etmək üçün muxtar respublikanın ümumtəhsil məktəblərinin 1-11-ci siniflərindən 297 şagird qeydiyyatdan keçib.Onlardan 73-ü bu olimpiadada qalib olub.
Təhsil naziri SASMO beynəlxalq riyaziyyat olimpiadasında uğur qazanan şagirdləri təbrik edib, onlara təhsillərində uğurlar arzulayıb.
Tədbirdə Təhsil Nazirliyi Aparatının sektor müdiri Məmməd Bayramov çıxış edərək olimpiadanın əhəmiyyəti və təşkilarti işlər barədə məlumat verib.
Şərur Şəhər Fizika –Riyaziyyat Təməyüllü Liseyin XI sinif şagirdi SASMO beynəlxalq riyaziyyat olimpiadasında I yerin qalibi,gənc istedad Nicat Əlizadə muxtar respublikada şagirdlər üçün yaradılan müasir tədris şəraitinə görə Naxçıvan Muxtar Respublikası Ali Məclisinin Sədrinə minnətarlığını bildirib.
Tədbirdə medal və sertifikatlar şagirdlərə təqdim olunub.
Qeyd edək ki, SASMO beynəlxalq riyaziyyat olimpiadasında5 şagird qızıl, 14 şagird gümüş, 54 şagird isə bürünc medala layiq görülüb, digər iştirakçılara isə sertifikatlar verilib.
Sonda xatirə şəkili çəkilib.
