Şərur şəhər 2 nömrəli tam orta məktəbin şagirdi Nərmin Vəliyeva qəbul imtahanında I ixtisas qrupu üzrə 400 bal toplayaraq muxtar respublika birincisi olub. Bu münasibətlə Nərmin Vəliyeva ilə təhsil aldığı məktəbdə görüş keçirilib. Görüşdə məktəbin pedaqoji kollektivi ilə yanaşı, Nərminin Vəliyevanın valideynləri də iştirak edib.
Təhsil naziri bildirib ki, məktəbdə yaradılan yüksək tədris şəraiti, tədrisin düzgün qurulması, ciddi nizam-intizam və tələbkarlıq şagirdlərin yüksək nailiyyətər əldə etməsinə şərait yaradıb. Son 5 ildə məktəbin ali və orta ixtisas məktəblərinə qəbul səviyyəsi 80 faizə yaxın olub. 2021-2022-ci tədris ilində də məktəbin məzununlarıdan, 11-i 500-700 intervalında bal toplayıb. Onlardan 2-si qızıl, 1-i gümüş, 5-i isə fərqlənmə attestatı alıb.
Qeyd olunub ki, məktəbin məzunu Nərmin Vəliyevada qəbul imtahanlarında I ixtisas qrupu üzrə 400 bal toplayaraq Naxçıvan Muxtar Respublikasının ümumtəhsil məktəblərinin şagirdləri arasında ən yüksək nəticəni göstərərək muxtar respublika birincisi olub. Bildirilib ki, Nərmin Vəliyeva buraxılış imtahanlarında da ən yüksək nəticə göstərərək ana dili fənnindən 100, Riyaziyyat fənnindən 97, Xarici dil fənnindən isə 95 olmaqla ümumilikdə 292 bal toplayaraq,ümumiliksə 692 balla muxtar respublika birincisi olub.
Təhsil naziri Nərmin Vəliyevanı yüksək nəticə göstərməsi münasibəti ilə təbrik edib, məktəbdə tədrisin yüksək səviyyədə təşkilinə görə kollektivə təşəkkürünü bildirib.
Tədbirdə Şərur Rayon Təhsil Şöbəsinin müdiri Malik İsmayılov, məktəbin direktoru Sevil Hacıyeva, əməkdar müəlim Əminə Ələsgərova, müəllimlərdən Şəhla Vəliyeva yaradılan müasir tədris şəraiti, və onların əməyinə verilən yüksək qiymətə görə Naxçıvan Muxtar Respublikası Ali Məclisinin Sədrinə minnətdarlıq edib, bundan sonra da səylə çalışacaqlarını bildiriblər.
Nərmin Vəliyeva da ona göstərilən diqqətə və qayğıya görə dövlətimizə minnətdarrlıq edib, bundan sonrakı təhsil həyatında yüksək nailiyyətlər əldə edəcəyinə söz verib.
Qəbul imtahanlarında yüksək nəticə əldə etdiyinə görə Nərmin Vəliyevaya Təhsil Nazirliyinin diplomu və pul mükafatı, tədrisin düzgün təşkili və şagirdlərin yüksək nailiyyətər əldə etməsinə görə məktəbə Təhsil Nazirliyinin təşəkkürnaməsi təqdim olunub.
