Müsabiqədə muxtar respublikanın ümumtəhsil məktəblərindən, Təhsil Nazirliyinə birbaşa tabe məktəblərdən və Heydər Əliyev Uşaq-Gənclər Yaradıcılıq Mərkəzindən ümumilikdə 150-dən artıq şagird iştirak edib. Çalğı alətləri, Rəqs və ifa nominasiyaları üzrə keçirilən müsabiqədə şagirdlər “Tənzərə”, “Söylən” yallıları, “Sarı gəlin”, ”Uzundərə”, “Cəngi”, “Tərəkəmə”, “Arşın mal alan”, “Uzundərə” rəqsləri, “Qarabağ”, “Xudayar təsnifi”, ”Dağlarda duman gözəldir” və digər milli musiqi və rəqs nömrələri ilə çıxış ediblər.
Sonda şagirdlər münsiflər heyyəti tərəfindən səhnə uyğunluğu və səhnə mədəniyyəti, jest və və mimikalardan istifadə bacarığı, mahnı və rəqslərin düzgün seçilməsi, aydın intonasiya və tələffüzün düzgün qurulması nəzərə alınaraq çağlı alətləri, rəqs və ifa nominasiyaları üzrə qiymətləndirilib.
Qeyd edək ki, I, II və III yerlərin qalibləri müsabiqənin yekun tədbirində mükafatlandırılacaq.
