Olimpiada Naxçıvan şəhər 11 nömrəli tam orta məktəbdə təşkil olunub.SASMO beynəlxalq riyaziyyat olimpiadasında iştirak etmək üçün muxtar respublikanın ümumtəhsil məktəblərinin 1-11-ci siniflərindən 282 şagird qeydiyyatdan keçib.
Sinqapur Təhsil Nazirliyi tərəfindən keçirilən olimpiadada şagirdlərə 25 sual təqdim olunub ki, onlardan 15 test,10-u açıqtiplidir.Test sualları 2, açıq tipli suallar isə 4 balla qiymətləndiriləcək. Olimpiada qaydalarına əsasən test suallarında hər bir səhv cavab bir balı aparır. Olimpiadada şagirdlərə 90 dəqiqə vaxt ayrılıb. Olimpiadada nəticə göstərən şagirdlərə qızıl, gümüş və bürünc medallar, iştirakçılara isə beynəlxalq sertifikatlar təqdim olunacaq.Həmçinin ölkə üzrə ən yüksək nəticə əldə edən şagirdlərə 100 manat, qlobal nəticədə top-10-a düşən şagirdlərə-1000 manat, 25 sualın hamısına düzgün cavab verən şagirdlər isə SİMOC Olimpiadasında tam ödənişsiz iştirak hüququ qazanacaq.
Medal qazanan şagirdlər noyabr ayında Sinqapurda keçiriləcək olimpiadanın final mərhələsində iştirak etmək hüququ əldə edəcəklər.
SASMO beynəlxalq riyaziyyat olimpiadasının keçirilməsində məqsəd aşağı siniflərdə təhsil alan şagirdlərin riyaziyyat fənninə motiviasiyasını artırmaq, yuxarı sinif şagirdlərinin isə xarici ölkələrdə təhsil azlamalarına şərait yaratmaqdır.
Olimpiadanın nəticələri 1 ay ərzində elan olunacaq
Qeyd edək ki, artıq ikinci ildir ki, Naxçıvanlı məktəblilər bu olimpiadada iştirak edir. Ötən tədris ilində 73 şagird bu olimpiadanın qalibi olub.
