İş adamlarının və özəl təhsil müəssisələrinin diqqətinə!Bildiyiniz kimi Azərbaycan Respublikası Prezidentinin müvafiq Sərəncamı ilə “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı” təsdiq edilmişdir.
Dövlət Proqramının müvafiq prioritet istiqamətlərinə daxil olan Muxtar Respublikada əlverişli biznes mühitinin yaradılması və sosial sektorun inkişafı istiqamətləri üzrə özəl sektor tərəfindən sosial xidmətlərin əhatə dairəsinin genişləndirilməsi və özəl təhsil müəssisələrinin yaradılması üçün sahibkarlar arasında təşviqat işlərinin aparılması nəzərdə tutulmuşdur. Qeyd edilənləri nəzərə alaraq bildiririk ki, müvafiq sahələr üzrə (məktəbəqədər təhsil müəssisələri, ümumi təhsil müəssisələri və məktəbdənkənar təhsil müəssisələri) muxtar respublikada özəl sektorun da fəaliyyətə başlaması və bu sahənin daha da inkişaf etdirilməsi məqsədilə 11 dekabr 2023-cü il tarixində Naxçıvan şəhərində Təhsil Nazirliyinin təşkilatçılığı ilə aidiyyəti dövlət qurumlarının və maraqlı şəxslərin iştirakı ilə infotur keçiriləcəkdir.
Qeyd: İnfoturda iştirak etmək istəyən şəxslərin qeydiyyat üçün 8 dekabr 2023-cü il tarixinədək Hazır ki e-mail adres spam botlar tərəfindən qorunur , Baxmaq üçün Javascripti aktiv etməlisiniz. elektron poçt ünvanına yazması və ya +994517276969 mobil nömrəsinə müraciət etməsi mütləqdir.
