Yanvarın 31-də Naxçıvan Muxtar Respublikası Təhsil Nazirliyində 2024- cü ilin yekunları və 2025-ci ildə qarşıda duran vəzifələrlə bağlı kollegiya iclası keçirilib.İclasda Təhsil Nazirliyinin əməkdaşları, rayon, şəhər təhsil şöbələrinin müdirləri, məktəbəqədər və məktəbdənkənar təhsil müəssisələrinin, həmçinin ümumtəhsil məktəblərinin direktorları iştirak edib. Kollegiya iclasında Naxçıvan Muxtar Respublikasının təhsil naziri Elxan Nəcəfov Azərbaycan Respublikasında 2025-ci ilin “Konstitusiya və Suverenlik İli” elan olunması ilə əlaqədər həyata keçiriləcək tədbirlər, təhsil sahəsində 2024-cü ildə görülmüş işlər, uğurlu nəticələr və qarşıda duran məsələlər bağlı məlumat verib. Sonra Təhsil Nazirliyinin 2025-ci təqvim ilinə dair iş planının müzakirəsi aparılıb və təsdiq edilib.
Kollegiya İclasında təhsil naziri müəssisə rəhbərlərinə təhsil müəssisələrində tədrisin səviyyəsinin yüksəldilməsi, nizam-intizam qaydalarına nəzarətin artırılması, olimpiada və müsabiqələrə məktəblilərin cəlbi və digər məsələlərlə bağlı konkret tapşırıqlar verib.
