Naxçıvan Muxtar Respublikası Təhsil Nazirliyi tərəfindən keçirilən “Müəllimlərə dəstək təlimi”nin növbəti iştirakçıları Naxçıvan şəhərinin ümumtəhsil məktəblərinin riyaziyyat müəllimləri olub. Təlimdə 50-ə yaxın müəllimin iştirakı təmin olunub.Qeyd edək ki, ️təlim çərçivəsində Təhsil Şöbələri üzrə qabaqcıl müəllimlər müəyyənləşdirilib və həmin müəllimlər qrafik əsasında ayda 2 dəfə yerlərdə digər ixtisaslı müəllimlərlə görüşlər keçirir, özlərinin seçdiyi sinif və mövzu üzrə nümunəvi dərs tədris edirlər.
Təlimin təşkilində məqsəd muxtar respublikanın ümumtəhsil müəssisələrində çalışan və pedaqoji fəaliyyəti ilə fərqlənən, yüksək peşə səriştələrinə malik, nüfuzlu, qabaqcıl müəllimlər tərəfindən digər müəllimlərin karyerada yüksəliş imkanlarını təmin etmək, təhsilverənlərin peşəkar inkişafı üçün bələdçi rolunda dəstək göstərməkdir.
