Naxçıvan şəhərindəki 5 nömrəli tam orta məktəbdə biologiya, tarix və ingilis dili ixtisası üzrə təcrübədə  olan tələbələrin dərsləri dinlənilib, onlara metodiki  köməklik göstərilib.  Dərs prosesinin mərhələli təşkili tələbələrə izah edilib.

Sonra  açıq dərslərin yekun müzakirəsi olub. Tələbələrin məktəbdaxili fəaliyyətləri təhlil olunub, onlara müvafiq  istiqamətlər verilib.

Qeyd edək ki, bu tədris ilində Naxçıvan Dövlət Universiteti, Naxçıvan Müəllimlər İnstitutu və “Naxçıvan” Universitetindən ümumilikdə 569 tələbə oktyabrın 1-dən noyabrın 15-dək Heydər Əliyev adına  tam orta məktəbdə, Naxçıvan Qızlar Liseyində, Naxçıvan şəhərindəki tam orta məktəblərdə, Babək rayonunun Kərimbəyli və Şıxmahmud kənd tam orta məktəblərində  pedaqoji təcrübədədir.