Sədərək rayon Təhsil Şöbəsi və Naxçıvan Dövət Rəsm Qalereyasının birgə təşkilatçılığı ilə Sədərək rayon Heydərabad qəsəbə tam orta məktəbində Sədərək rayon ümumtəhsil məktəblərinin şagirdləri arasında “Mən bu yurdun övladıyam” adlı rəsm müsabiqəsi keçirilmişdir.
Müsabiqədə çıxış edən Naxçıvan Dövlət rəsm qalereyasının direktoru Hökmə Məmmədli müsabiqənin keçirilməsi haqqında şagirdlərə geniş məlumat verərək müsabiqəni açıq elan etmişdir.
Sədərək rayon ümumtəhsil məktəblərindən 35 şagirdin iştirak etdiyi müsabiqədə I yerə Sədərək kənd 1 nömrəli tam orta məktəbin şagirdi Seyidov Cahangir Nərman oğlu, 2-ci yerə Sədərək kənd 1 nömrəli tam orta məktəbin şagirdi Əliyeva Gülay Kəmaləddin qızı və 3-cü yerə Heydərabad qəsəbə tam orta məktəbinin şagirdi Zalova Aliyə Xəyal qızı layiq görülmüşlər. Qaliblər təşkilatçıların Fəxri fərman və diplomları ilə təltif olunmuşdur.
