13 noyabr 2019-cu il tarixdə Naxçıvan şəhər ümumtəhsil məktəb şagirdləri arasında  17 noyabr Naxçıvan Muxtar Respublikasının Dövlət Bayrağı Günü”nə həsr olunmuş “Bayrağım kimliyimdir” mövzusunda şeir müsabiqəsi keçirilmişdir.

Müsabiqənin keçirilməsində məqsəd məktəblilər arasında suverenliyimizin rəmzi olan dövlət bayrağı haqqında biliklərin aşılanması, şagirdlərdə vətənpərvərlik tərbiyəsini formalaşdırmaq, onların yaradıcılıq potensialını inkişaf etdirmək, məktəblilərin asudə vaxtlarını səmərəli təşkil etməkdən ibarətdir.

Müsabiqənin sonunda 6 nömrəli tam orta məktəbin VIII sinif şagirdi Əliyeva Aytən Rövnəq qızı I yerə, 2 nömrəli tam orta məktəbin VIII sinif şagirdi Cəlilzadə Səkinə Əhməd qızı II yerə və  5 nömrəli tam orta məktəbin VII sinif şagirdi Zeynallı Zümrüd Aqil qızı III yerə layiq görülmüşdürlər.