Vətənpərvər vətəndaş tərbiyəsi ümumtəhsil məktəblərinin tədrisində ən vacib istiqamətlərindən biridir. Bu gün ümumtəhsil məktəblərində təkcə savadlı, intelektil gənclər deyil, həm də yüksək mənəviyyatlı, Azərbaycan xalqının milli dəyərlərinə sadiq, vətənpərvər gənclər yetişdirilməsi diqqətdə saxlanılır. Bu məqsədlə ümumtəhsil məktəblərində şagirdlərə vətənpərvərlik duyğusunu aşılamaq, onlarda vətənə, torpağa, orduya məhəbbət ruhunu daha da mğhkəmləndirmək istiqamətində tədbirlər keçirilir. Bu tədbirlərin davamı olaraq Naçıvan Muxtar Respublikası Təhsil Nazirliyinin təşkilatçılığı ilə Naxçıvan şəhərində Açıq Səma Altında Naxçıvan Döyüş Şöhrəti Muzeyində “Şanlı Ordum” mövzusunda açıq dərs təşkil olunub.
Açıq dərsdə Naxçıvan şəhər 11,12,17 nömrəli və Babək rayon Cəhri kənd 1 və 2 nömrəli tam orta məktəblərinin hər birindən 20 nəfər olmaqla 100 nəfər IX-X sinif şagirdi iştirak edir. Naxçıvan şəhər 11 nömrəli tam orta məktəbin hərbi rəhbəri Emil Qurbanov “Şagirdlərin milli ruhda tərbiyə olunmasında aprel qələbəsinin rolu “ mövzusunda çıxış edərək Azərbaycan ordusunun keçirdiyi döyüşlərdə qazandığı qələblər işğal olunmuş torpaqlarımızı hərbi yolla azad etməyə qadir olduğunun sübutudur.Aprel döyüşləri və Günnüt qələbəsi kimi tarixi günlərimiz böyük qələbəmizin yaxın vaxtlarda olacağından xəbər verir- deyə Emil Qurbanov bu döyüşlərin şagirdlərin mənəvi ruh yüksəkliyinin artırılmasında mühüm stimul olduğunu deyib.
Babək rayon Cəhri kənd 2 nömrəli tam orta məktəbinin hərbi rəhbəri Zaur Məmmədov isə “Şanlı ordumuzun döyüş salnaməsi”movzusunda çıxış edib. Hər iki hərbi rəhbər peşəkar hərbçi kadrların formalaşırılmasında vətənpərvər nəslin yetişdirilməsinin əhəmiyyətindən danışıb, ümumtəhsil məktəblərində bu işin yüksək səviyyədə həyata keçirildiyini qeyd etdilər.
Daha sonra şagirdlərin Döyüş Şöhrəti Muzeyi ilə tanışlığı başlayıb. Məlimat verilib ki, muzeydə müxtəlif illərdə döyüş növbətçiliyinə qəbul edilmiş, silah, texnika və qurğular, hava hücumundan müdafiə üzrə döyüş maşınları, tanklar, eləcə də müxtəlif təyinatlı avtomobillər nümayiş olunur.
