Naxçıvan Muxtar Respublikası Ali Məclisi Sədrinin tapşırığı ilə Heydər Əliyev Uşaq-Gənclər Yaradıcılıq Mərkəzində yeni yaradılan Memarlıq-dizayn dərnəyinə  üzv qəbul olunan şagirdlərə Naxçıvan Muxtar Respublikası Memarlar Birliyi tərəfindən “Naxçıvan memarlıq abidələri və müasir tikililər” mövzusunda təlimin keçirildi.

Dərnək üzvlərinə ilkin nəzəri biliklər çatdırılmaqla Naxçıvan Muxtar Respublikasında Daş dövrü abidələrdən, qədim və orta əsr memarlıq abidələri, müasir dövr memarlığı və tikililəri, ən yaxşı ənənələri ilə qədim və müasir dövr  memarlığın sintezini özündə əks etdirən tikililər barədə, özünəməxsus “Naxçıvan memarlıq məktəbi” adı ilə tariximizə daxil olan məktəb haqqında uşaqlara ətraflı məlumat verildi. Memarlıq məktəbinin qurucusu, dahi memarlarımız və sənətkarlarımız barəsində söhbət aparıldı.

Şagirdlərə məktəbdə öyrəndikləri dəqiq fənlərin həndəsə, riyaziyyat və digər fənlərin memarlıq sahəsindəki rolu, tətbiqi və vacibliyi barədə, müasir dövrdə texnologiyanın inkişafının memarlıq sahəsinə müsbət təsiri və müxtəlif proqram təminatı ilə kompüterlərdə asanlıqla layihələndirmə və hesablama işlərinin aparılması, memarlıq və dizayn üslubunun texnologiyada tətbiqi barədə praktiki olaraq AutoCAD, 3DsMAX, V-RAY, ArchiCAD proqramları əsasında layihələrin mərhələlərlə işlənməsi prosedurası izah olundu.