Azərbaycan Respublikasının Prezidenti cənab İlham Əliyevin böyük ədib "Cəlil Məmmədquluzadənin 150 illik yubleyinin keçrilməsi haqqında" 17 yanvar 2019-cu il tarixli sərəncamı qədirbilən xalqımız tərəfindən rəğbətlə qarşılanmışdı.

Naxçıvan Muxtar Respublikasının Ali Məclisinin Sədri cənab Vasif Talıbovun həmin sərəncama əsasən təsdiq etdiyi tədbirlər planına uyğun olaraq, Naxçıvan Muxtar Respublikasında bütün ümumtəhsil məktəblərində olduğu kimi Culfa şəhər 3 nömrəli tam orta məktəbindədə 4 dekabr 2019 - cu il tarixində "Cəlil Məmmədquluzadənin 150 illik yubleyi" yüksək səviyyədə qeyd olunub.

Məktəbin bütün kollektivinin böyük həvəslə hazırladığı tədbirdə yazıçının həyatı, yaradıcılığı və əsərləri geniş şəkildə müzakirə olunub. Məktəbin təşkilatçısı Günay Quliyeva çıxışında tədbir iştrakçılarına tədbirin əhəmiyyəti barədə məlumat verib və bu kimi tədbirlərin əhəmiyyətini vurğulayıb.  Məktəbin Azərbaycan dili və ədəbiyyat müəllimi Mətanət Əliyeva öz çıxışında Cəlil Məmmədqulizadənin əsərlərində sadəlöhv xalqı ən sadə dillə necə oyatmağa çalışdığını vurğulayıb, öz yaratdığı obrazlarla dövrünün gerçəklərini qələmə almasını, tənqid etməsini yüksək qiymətləndirib.

Məktəbin şagirdləri dahi dramaturqun əsərlərindən monoloqlar söyləyiblər. XI sinif şagirdləri Mirzə Cəlilin "Ölülər" əsərindən İsgəndər obrazının dilindən dövrün iç üzün neçə ustalıqla  göstərdiyini İsgəndərin monoloqunu səsləndirməklə tədbir iştrakçılarına çatdırmışdırlar. VII sinif şagirdləri dahi yazıçının satirik şerlərini qiraət etmişlər.