Tədbiri giriş sözü ilə açan məktəbin direktoru Əsgər Qurbanov qeyd edib ki, 1924-cü il fevral ayının 9-da Naxçıvan Muxtar Respublikasının yaradılması bu qədim diyarımızın Azərbaycanın tərkib hissəsi kimi qorunub saxlanılmasına səbəb olub. Ötən dövr ərzində naxçıvanlılar bu ulu diyarın qorunub saxlanılması, inkişafı üçün  var qüvvələri ilə çalışıblar. Naxçıvan Muxtar Respublikasının hərtərəfli inkişafı ulu öndər Heydər Əliyevin adı ilə bağlıdır. Ümummilli liderimizin Azərbaycana rəhbərlik etdiyi dövrlərdə Naxçıvanın inkişafı, muxtariyyət statusunun möhkəmləndirilməsi, əhalisinin rifah halının yaxşılaşdırılması istiqamətində mühüm tədbirlər həyata keçirilib.

Azərbaycanı dövlət müstəqilliyinə aparan yol 1990-cı illərin əvvəllərində Naxçıvandan başlayıb. Dahi şəxsiyyət Heydər Əliyevin rəhbərliyi ilə Naxçıvanda müstəqil dövlət quruculuğu istiqamətində atılan addımlar, qəbul olunan qərarlar bugünkü müstəqilliyimizin və uğurlarımızın təməl daşlarıdır. Azərbaycan Prezidenti cənab İlham Əliyevin diqqət və qayğısı, Naxçıvan Muxtar Respublikası Ali Məclisinin Sədri cənab Vasif Talıbovun uğurlu rəhbərliyi ilə Naxçıvanda son illər böyük quruculuq proqramı gerçəkləşdirilib, bütün sahələrdə uğurlar qazanılıb. Tədbirin bədii hissəsində isə şagirdlərin təqdimatında Naxçıvan Muxtar Respublikasına aid şeirlər səsləndirilmişdir.