10 dekabr 2019-cu il tarixdə V.Zeynalov adına 3 nömrəli tam orta məktəbin idman zalında Naxçıvan şəhər ümumtəhsil məktəblərinin oğlan komandaları arasında basketbol birinciliyi keçirilmişdir. Tədbirin təşkilatçıları çıxış edərək tədbirin keçirilmə məqsədi və qaydaları haqqında idmançılara geniş məlumat vermiş və onlara uğurlar arzulamışlar.

Naxçıvan Şəhər Təhsil Şöbəsi, Naxçıvan Şəhər Gənclər və İdman İdarəsi və Uşaq-Gənclər İdman Məktəbinin birgə təşkilatçılığı ilə keçirilən birincilikdə 17 komanda iştirak etmişdir. Beynəlxalq Basketbol Federasiyasının mövcud qaydalarına əsasən, Olimpiya sistemi (uduzan çıxır) üzrə keçirilən yarışın yekununa əsasən 10 nömrəli tam orta məktəbin komandası bütün rəqiblərinə qalib gələrək I yerə, 17 nömrəli tam orta məktəbin komandası II yerə, 14 və 3 nömrəli tam orta məktəblərin komandaları isə III yerlərə layiq görülmüşlər.

Sonda qaliblərə təşkilatçıların diplomları təqdim edilmişdir.